მამუკელაშვილის ზუსტი სამქულიანები - სან ანტონიომ მაიამი დაამარცხა
NBA-ს წინასასეზონო შეხვედრაში „სან ანტონიო სპურსმა’’ „მაიამი ჰიტი’’ 120:104 დაამარცხა.
გამარჯვებულთა ქართველმა კალათბურთელმა სანდრო მამუკელაშვილმა პარკეტზე 9:24 წუთი გაატარა. მის აქტივში 6 ქულა, 3 მოხსნაა და 1 ჩაჭრაა. აღსანიშნავია რომ სანდროს ორივე სამქულიანი ზუსტი იყო.
????????????@Mamukelashvili5 pic.twitter.com/Flcqg4jM9C
— San Antonio Spurs (@spurs) October 14, 2023
მამუკელაშვილის გუნდელთაგან საუკეთესო ვიქტორ ვემბანიამა იყო, რომელმაც 23 წუთში 23 ქულა ჩააგდო, ფარიდან ბურთი 4-ჯერ მოხსნა და 4 პასი შეასრულა.
NBA-ს ახალი სეზონის დაწყებამდე მამუკელაშვილის გუნდი კიდევ სამ შეხვედრას ჩაატარებს, ორჯერ „ჰიუსტონ როკეტსს“ შეხვდებიან, დასკვნით მატჩში „გოლდენ სტეიტს“ დაუპირისპირდებიან.
