კუტალია: ნაკრებში მოხვედრას ამდენი წელია ველი, თუმცა უშედეგოდ

სომხური „ალაშკერტის“ ქართველი ფორვარდი ლევან კუტალია, საქართველოს ნაკრების ოქტომბრის მატჩების სიას გამოეხმაურა, რომელშიც თავად ვერც ამჯერად მოხვდა.

„გამარჯობათ მეგობრებო მინდა გამოვეხმაურო სანაკრებო სიას, გულდაწყვეტილი ვარ ისევ. ამდენი წელია ველოდები, რომ ვიღაც, სადღაც დაინახავს, თუ რამდენ შრომასა და მონდომებას ვდებ, არ ვჩერდები ვთამაშობ გამაქვს გოლები სხვადასხვა ჩემპიონატებში რომ აი, ერთ დღეს, ვიღაც შემომხედავს და დააფასებს ჩემს შრომას მაგრამ უშედეგოდ. კვლავ უყურადღებობა,იგნორირება.რისთვის გინდა ფეხბურთელს კარიერა? - იმისთვის, რომ ერთხელ მაინც, შენი ქვეყნის მაისური ჩაიცვა. ეს სიამაყეა, როდესაც შენი ქვეყნისთვის უნდა გაისარჯო.მაგრამ ისევ იგნორი.

დრო გარბის და მეც მაქვს ძალიან სამართლიანი კითხვა - რატომ არ შეიძლება გამომიძახონ თუნდაც ამხანაგურ მატჩში? ვფიქრობ, რომ უსამართლოა ეს დამოკიდებულება და გადაწყვეტილება ჩემს მიმართ რასაც აკეთებენ. არცერთ სხვა ქვეყანაში ეს არ მოხდებოდა, ხშირად მესმის სანიოლისგან, რომ ის ვიღაცებს აკვირდება, რომ თუ მოუმატებენ, არ გამორიცხავს მათ კანდიდატურას და მე? იცის ჩემი არსებობის შესახებ?

ვიცი, რომ მედიამ ბევრჯერ დაუსვა კითხვა ჩემს შესახებაც, მაგრამ ბოლოს უთქვამს, გამოუძახებელ ფეხბურთელებზე კომენტარს არ გავაკეთებო! რატომ? მაქვს კითხვა - რატომ არ დაიმსახურა ლევან კუტალიამ, თუნდაც ერთხელ, სიაში მოხვედრა????!! პს მინდა წარმატებები ვუსურვო ბიჭებს ამ თამაშებში“.

- წერს კუტალია სოციალურ ქსელში.

34 წლის კუტალიამ მიმდინარე სეზონში სომხეთის ჩემპიონატში 11 მატჩი ჩაატარა და 10 გოლი გაიტანა.

კუტალია უკვე რამდენიმე წელია ეროვნულ ნაკრებში ერთ შანსს და მის დებიუტს ელის, თუმცა უშედეგოდ.