იტალიელი აგენტი: “ხვიჩა ლავეციზე ნაკლები ფეხბურთელია“

ხვიჩა კვარაცხელიამ მსოფლიო ფეხბურთში თავი ყველას გააცნო და მას არაერთ ფეხბურთელს ადარებენ და ამჯობინებენ.

გამონაკლისი არც იტალიელი აგენტი ბროვარონე აღმოჩნდა, რომელიც იტალიურ მედიას კვარაცხელიაზე და ოსიმენზე ესაუბრა.

ბროვარონე:

„“ნაპოლის“ დღევანდელი შეტევა ხვიჩა კვარაცხელიაზე და ვიქტორ ოსიმენზეა აწყობილი. ვფიქრობ, ნიგერიელი თავდამსხმელი ედისონ კავანიზე უკეთესია. ის „პარტენოპეის“ ისტორიაში გაცილებით დიდ კვალს დატოვებს.

სპალეტის „ნაპოლიში“ კვარაცხელიამ გაიბრწყინა და ის ძალიან კარგი ფეხბურთელია, მაგრამ, თუ წარსულს შევადარებთ, ხვიჩა ლავეციზე ნაკლები ფეხბურთელია. საერთო ჯამში, არგენტინელი ქართველზე უფრო შემტევი სტილის იყო, მაგრამ გასული წლის კვარა ლავეცის ნამდვილად მირჩევნია.“

შეგახსენებთ, რომ არგენტინელი შემტევი „ნაპოლიში“ 2007/2012 წლებში თამაშობდა. ამ პერიოდის განმავლობაში, ეზეკილმა „პარტენოპეის“ მაისური ყველა ტურნირზე ერთად 188-ჯერ მოირგო, 48 გოლი გაიტანა და 56 საგოლე გადაცემა შეასრულა.