ჩიტოს წარმომადგენელმა დაადასტურა | ომალის მომდევნო მეტოქე მერაბი არ იქნება
UFC-ის სუპერ მსუბუქი წონითი დივიზიონის ჩემპიონი, შონ ომალი მომდევნო ბრძოლას მარლონ „ჩიტო“ ვერას წინააღმდეგ გამართავს. ეკვადორელი მებრძოლის წარმომადგენელმა, ჯეისონ ჰაუსმა ერთ-ერთ ინტერვიუში დაადასტურა, რომ შემდეგ ჩხუბში „ჩიტოს“ საჩემპიონო ქამრის მოპოვების შანსი ექნება.
ვერა UFC-ის სუპერ მსუბუქი წონითი დივიზიონის რეიტინგში მე-6 პოზიციას იკავებს. ომალის კარიერაში ერთადერთი მარცხი სწორედ ეკვადორელმა მებრძოლმა აგემა და მოქმედ ჩემპიონს რევანშის აღება სურს. პარალელურად, ომალი თვლის, რომ „ჩიტოსთან“ ჩხუბი უაღრესად საინტერესო იქნება და დიდ ფულს მოუტანს. ეკვადორული პრესის ინფორმაციით, UFC-ი ამ ბრძოლას ოფიციალურად მალე დააანონსებს.
¡ARRECHO!???????????????? La pelea entre Marlon 'Chito' Vera y el campeón de peso gallo de UFC, Sean O' Malley, es un hecho. Así lo confirmó Jason House, representante del peleador tricolor, quien dijo el siguiente combate del manabita será por el cinturón. https://t.co/nci8IxPhev pic.twitter.com/a2TNLheUn0
— Diario Extra (@DiarioExtraEc) October 4, 2023
როგორც მოგეხსენებათ, მერაბ დვალიშვილი ტოპ 15-ში მეორე პოზიციაზეა და ტიტულის მთავარი პრეტენდენტია. „მანქანა“ ომალის წლებია იწვევს და შონის გაჩემპიონების შემდეგ, ქამრისთვის ჩხუბის სურვილი უამრავჯერ გამოთქვა, მაგრამ „შუგას“ მასთან ბრძოლის პერსპექტივა არ ხიბლავს და თვლის, რომ მოსაწყენი მებრძოლია.
საინტერესოა, რომ ბუკმეკერების აზრით, ის ვერასთან აშკარა ფავორიტია, დვალიშვილთან კი განსხვავებული ვითარებაა და აუტსაიდერის სტატუსი აქვს.
