„ვიცით, მეტოქეს რა უნდა დავუპირისპიროთ“ - შარიქაძე და მატკავა მომდევნო მატჩზე
23 სექტემბერს, საქართველოს მორაგბეთა ნაკრები მსოფლიო ჩემპიონატზე მეორე შეხვედრას გამართავს. „ბორჯღალოსნები“ ტულუზაში პორტუგალიის ეროვნულ გუნდს დაუპირისპირდებიან.
ლევან მაისაშვილის გუნდი ავსტრალიასთან მატჩის შემდეგ თითქმის ყოველდღიურ რეჟიმში აგრძელებს მეორე მატჩისთვის მზადებას, თუმცა, კონკრეტულად პორტუგალიისთვის საქართველოს ნაკრები მზადებას მომავალი კვირიდან დაიწყებს.
მეტოქის შესახებ დღეს სპეციალურ მედიაბრიფინგზე საქართველოს ნაკრების კაპიტანმა, მერაბ შარიქაძემ და ეროვნული გუნდის წევრმა, ლუკა მატკავამ ისაუბრეს.
შეგახსენებთ, რომ საქართველოსა და პორტუგალიის ნაკრებების დაპირისპირება შაბათს, 23 სექტემბერს თბილისის დროით 16:00 საათზე გაიმართება.
