წყალბურთი: ევროპის ჩემპიონატზე საქართველოს მეტოქეების ვინაობა ცნობილია
2024 წლის იანვარში წყალბურთში ევროპის ჩემპიონატი დაიწყება, სადაც მონაწილეობას საქართველოს ნაკრებიც მიიღებს.
დღეს კი ევროპის ჩემპიონატის წილისყრა ჩატარდა და გაირკვა, თუ რომელ ნაკრებებთან ერთად იქნება ჯგუფში საქართველო.
დეიან სტანოევიჩის შეგირდები ჯგუფში იტალიასთან, საბერძნეთთან და უნგრეთთან ერთად მოხვდნენ.
აღსანიშნავია, რომ ფორმატი შეიცვალა და ნაკრებები ორ დივიზიონად დაიყვნენ. ჩამოთვლილ გუნდებთან ერთად საქართველო პირველ დივიზიონში ასევე ესპანეთის, ხორვატიის და მონტენეგროს ნაკრებებთან მოხვდა.
როგორც ცნობილი გახდა, პირველი დივიზიონის ჯგუფებიდან, პირველ ორ ადგილზე გასული გუნდები პირდაპირ მეოთხედფინალში გავლენ. მესამე და მეოთხე პოზიციაზე გასული ნაკრებები კი მეორე დივიზიონის ჯგუფების ორ-ორ პირველ/მეორე პოზიციაზე მყოფებს შეხვდებიან. ამით კი დარჩენილი ოთხი მეოთხედფინალისტის ბედი გაირკვევა.
შეგახსენებთ, რომ წყალბურთის ევროპის ჩემპიონატი ისრაელში გაიმართა. 3 იანვარს დაიწყება და 16-ში დასრულდება.
