სასწაული მატჩი და უფრო მაგარი გერმანია | ევროპული ფინალი მსოფლიო ჩემპიონატზე
მსოფლიოს საკალათბურთო ჩემპიონატის ფინალში ევროპულ დაპირისპირებას ვიხილავთ. სერბეთის შემდეგ, სენსაცია გერმანიამაც შემოგვთავაზა და ტურნირის მთავარი ფავორიტი, აშშ-ს ნაკრები საოცარ და უდრამატულეს დაპირისპირებაში დაამარცხა. დენის შრიოდერმა და კომპანიამ ისტორია დაწერეს და მსოფლიო ჩემპიონატის ფინალში პირველად გავიდნენ.
GERMANY STUN USA TO GO TO THE WORLD CUP FINAL.#FIBAWC pic.twitter.com/fvzcMtCyAa
— FIBA Basketball World Cup 2023 ???? (@FIBAWC) September 8, 2023
მატჩი ორივე გუნდმა მაღალ ტემპში დაიწყო და საწყისი მეოთხედი გერმანიამ 2 ქულით მოიგო - 33:31. მეორე პერიოდში უკეთ ამერიკა გამოიყურებოდა და დიდ შესვენებაზე 1-ქულიანი უპირატესობით გავიდა - 60:59. მესამე მეოთხედში ვითარება რადიკალურად შეიცვალა. გერმანია შეტევაში ფენომენალური იყო და დასკვნითი პერიოდის წინ 10 ქულით დაწინაურდა.
მეოთხე მეოთხედის დასრულებამდე 5 წუთით ადრე, გერმანია 10 ქულით იგებდა, თუმცა ენტონი ედვარდსისა და ოსტინ რივზის წყალობით, აშშ-მ ჩამორჩენა 1 ქულამდე დაიყვანა. გერმანიამ მეტოქეს ანდრეას ობსტის სამიანით უპასუხა, რომელმაც უმნიშვნელოვანესი ბურთი ჩააგდო. ობსტის შემდეგ, დენის შროდერის ჯერი დადგა და მან საკუთარი გუნდი წინ 6 ქულით გაიყვანა. აშშ-მა უპატიებელი შეცდომები დაუშვა და საბოლოოდ, 2 ქულით, 111:113 დამარცხდა.
ANDREAS, OBST ON EARTH?!? ????#FIBAWC x #WinForDeutschland ???????? pic.twitter.com/Tl8wo0irJD
— FIBA Basketball World Cup 2023 ???? (@FIBAWC) September 8, 2023
გერმანიას სწორედ ობსტმა ულიდერა, რომელსაც 24 ქულა და 6 პასი ჰქონდა. ფრანც ვაგნერმა 22 ქულა, 5 მოხსნა და 2 შედეგიანი გადაცემა დააგროვა. დანიელ ტაისის ანგარიშზე 21 ქულა და 7 მოხსნა იყო, ხოლო დენი შროდერმა 17 ქულა და 9 ასისტი გააკეთა. ამერიკელთა მხრიდან 23 ქულით ენტონი ედვარდსი გამოირჩა. ოსტინ რივზს 21 ქულა ჰქონდა, მიკალ ბრიჯისმა და ჯეილონ ბრანსონმა კი 17 და 15 ქულა დააგროვეს.
GERMANY MAKE HISTORY! ????????????#FIBAWC x #WinForDeutschland ???????? pic.twitter.com/aWcnFLbOrp
— FIBA Basketball World Cup 2023 ???? (@FIBAWC) September 8, 2023
ამრიგად, გერმანია ფინალში სერბეთს დაუპირისპირდება, ხოლო აშშ მესამე ადგილისთვის ბრძოლაში კანადას შეხვდება.
