ზურიკოს საგოლე პასი - ბორდო ოსერთან დამარცხდა

ლიგა 2-ის მორიგ ტურში „ბორდომ“ „ოსერს“ უმასპინძლა და 2:4 დამარცხდა. ეს მატჩი იმით იწვევდა ინტერესს, რომ მასპინძელთა ძირითად შემადგენლობაში ზურიკო დავითაშვილი დაბრუნდა.

ქართველ ფეხბურთელს ნაყოფიერი მატჩი ჰქონდა, თუმცა მისი გუნდი მაინც დამარცხდა. მატჩი აქტიურად „ბორდომ“ დაიწყო და უკვე 26-ე წუთზე დიასმა ზურიკოს პასით ანგარიში გახსნა.

33-ე და 36-ე წუთებზე „ოსერმა“ გაიტანა და პირველი ტაიმი სტუმრებმა 2:1 მოიგეს. მეორე ნახევარში „ბორდო“ ბევრს ცდილობდა, თუმცა ორი გოლით აქეთ მიიღო. მატჩის მიწურულს, კონკრეტულად 83-ე წუთზე, ალაისმა ერთი ბურთი გაქვითა და მატჩის საბოლოო შედეგი 4:2 დააფიქსირა.

შეგახსენებთ, რომ ამ წაგების შემდეგ, „ბორდოს“ სატურნირო ცხრილში 6 ქულით მე-9 ადგილზე იმყოფება. შემდეგ ტურში, ქართველი ფეხბურთელის გუნდი „ვალენსიენს“ ესტუმრება.

ზურიკოს საგოლე პასი