27 ქულით - საქართველო გერმანიასთან უშანსოდ დამარცხდა
მსოფლიო ჩემპიონატზე მეორე ჯგუფური ეტაპის პირველი შეხვედრა საქართველომ გერმანიის წინააღმდეგ გამართა და 73:100 დამარცხდა.
პირველი მეოთხედი ილიას ზუროსის გუნდმა კარგი დაცვით დაიწყო და ერთ მონაკვეთში 4 ქულითაც ვიგებდით, თუმცა საბოლოოდ 5 დაკარგვის ფონზე ჩვენი თამაში აირია და 16:22 წავაგეთ.
Shengelia getting fancy with it! ???? #FIBAWC x #WinForGeorgia ???????? pic.twitter.com/OF1gh8d6jH
— FIBA Basketball World Cup 2023 ???? (@FIBAWC) September 1, 2023
მეორე მეოთხედი კიდევ უფრო დაძაბული და სანახაობრივი გამოდგა და ზუროსის ბიჭების გამარჯვებით 25:21 დასრულდა.
ბოლო წუთებში საქართველოს ნაკრებმა ჩინებულად ითამაშა და მეტოქეს 13:4 გაქცევა მოუწყო. მეოთხედის მოგება სწორედ ამ მონაკვეთმა განაპირობა. დიდ შესვენებაზე გერმანელები მხოლოდ ორი ქულით იგებდნენ - 43:41.
მესამე მეოთხედში გერმანიამ თავისი კალათბურთი ითამაშა. ჩვენი შეცდომები იდეალურად გამოიყენეს და პერიმეტრიდან პრაქტიკულად თამაში დაგვისრულეს. მესამე მეოთხედი გერმანელებმა 27:14 მოიგეს.
Schroder serving up dimes on a silver platter ????️#FIBAWC x #WinForDeutschland ???????? pic.twitter.com/T9I6cv3NEc
— FIBA Basketball World Cup 2023 ???? (@FIBAWC) September 1, 2023
დასკვნით მეოთხედში ბევრი არაფერი შეცვლილა. გერმანელებს კომფორტული უპირატესობა ხელიდან აღარ გაუშვიათ. საქართველოს ნაკრებმა მატჩი სრულად ჩააგდო და სრულიად ლოგიკური მარცხიც იწვნია - 73:100.
From block to bucket! ???????????? #FIBAWC x #WinForDeutschland pic.twitter.com/vNN38096On
— FIBA Basketball World Cup 2023 ???? (@FIBAWC) September 1, 2023
ჩვენი გუნდის რიგებში ყველაზე მეტი 19 ქულა სანდრო მამუკელაშვილმა ჩააგდო. ბითაძეს 15 ქულა ჰქონდა, შენგელიას 12. მორიგი ცუდი თამაში ჩაატარა თად მაკფადენმა, რომელმაც მხოლოდ 5 ქულა ჩააგდო და ისიც ბოლო მეოთხედში.
გერმანელებმა გუნდური კალათბურთი ითამაშეს და ერთბაშად 6-მა მოთამაშემ 10+ ქულა ჩააგდო.
შეგახსენებთ, რომ მომდევნო შეხვედრას ილიას ზუროსის გუნდი კვირას 3 სექტემბერს (11:30) ავსტრალიის წინააღმდეგ გამართავს.
