ნავსი გატეხა - დომინიკ ტიმმა ამერიკის ღია პირველობა გამარჯვებით დაიწყო
საჩოგბურთო სამყაროში ამერიკის ღია პირველობა დაიწყო. პირველ წრეში დომინიკ ტიმი რეიტინგის 27-ე ნომერს ალექსანდრ ბუბლიკს დაუპირისპირდა.
აღსანიშნავია, რომ ავსტრიელ ჩოგბურთელს დიდი ხანია დიდი სლემის ტურნირზე მატჩი არ მოუგია. დღეს კი ბუბლიკს სამ სეტში 6:3 6:2 6:4 აჯობა და შემდეგ ეტაპზე გავიდა.
პირველ სეტში დომინიკმა ორი ბრეიკი შეასრულა, ხოლო ბუბლიკმა ერთი. ეს კი სეტის მოსაგებად საკმარისი აღმოჩნდა.
ტიმი მეორე სეტში უფრო დამაჯერებელი იყო და მეტოქის ორი ჩაწოდება მოიგერია, ხოლო მესამე სეტში კვლავ იგივე სიტუაცია მივიღეთ, როგორიც პირველში. ავსტრიელმა ორი ბრეიკი შეასრულა, ხოლო ალექსანდრმა ერთი.
ცნობისთვის, დომინიკ ტიმი ამჟამად ATP რეიტინგში 81-ე ადგილს იკავებს და ამერიკის ღია პირველობის შემდეგ წრეში ბენ შელტონს დაუპირისპირდება.
