კუკურეია 1-წლიანი იჯარით? - მანჩესტერ იუნაიტედი ჩელსის დაუკავშირდა
გავლენიანი სატრანსფერო ექსპერტი და ცნობილი სპორტული ჟურნალისტი ფაბრიციო რომანო იუწყება, რომ „მანჩესტერ იუნაიტედი“ მარცხენა მცველის ძიებაშია.
იქიდან გამომდინარე, რომ ლუკ შოუ ტრავმებს ხშირად იღებს და მას ვერ ეყრდნობიან, „წითელ ეშმაკებს“ მისი შემცვლელი სურთ.
რომანოს თქმით, გლეიზერების სიაში 3 კანდიდატია, მაგრამ მხოლოდ ერთი სახელია ცნობილი. საუბარი მარკ კუკურეიაზეა, რომელიც მანჩესტერელებს ძვირი არ დაუჯდებათ.
EXCL: Manchester United made contact with Chelsea to ask about conditions of Marc Cucurella deal on potential loan — no bid or concrete talks yet ????????????????
— Fabrizio Romano (@FabrizioRomano) August 26, 2023
United looking for LB opportunity but not too expensive — there are three candidates in the list. No decision made yet. pic.twitter.com/KLR9RwW5Q1
„იუნაიტედი“ „არისტოკრატებს“ მარკის თაობაზე დაუკავშირდა და საიჯარო ხელშეკრულების გაფორმებაზე ჰკითხა. ოფიციალური შეთავაზება არ არსებობს და ჯერ არც ლონდონელების პასუხია ცნობილი.
შეგახსენებთ, რომ ესპანელი მარცხენა მცველი „ლურჯებს“ გასული წლის აგვისტოში შეუერთდა. დღემდე კუკურეიამ „ჩელსის“ მაისური ყველა ტურნირზე ერთად 33-ჯერ მოირგო და 2 საგოლე გადაცემა შეასრულა.
