უდინეზეში დაადასტურეს | საზონოვის მიმართ ინტერესი აქვთ, მაგრამ...
„უდინეზეს“ სპორტული დირექტორი, ფედერიკო ბალცარეტი პრესაში გავრცელებულ ინფორმაციას გამოეხმაურა, რომლის მიხედვითაც, მის გუნდს საბა საზონოვის გადაბირება უნდა. ბალცარეტიმ ინტერესი დაადასტურა, მაგრამ უარყო ცნობა, თითქოს მისმა გუნდმა ოფიციალური წინადადება გააკეთა.
„საზონოვი არის ფეხბურთელი, რომელსაც გარკვეული დროა, თვალს ვადევნებთ, მაგრამ ოფიციალური წინადადება ჯერ არ გაგვიკეთებია. რამდენიმე ვარიანტზე ვმუშაობთ და ერთ-ერთი საზონოვია“, - განუცხადა ბალცარეტიმ Sport24-ს.
შეგახსენებთ, რომ საზონოვი რამდენიმე ევროპული კლუბის რადარზე იმყოფება. სხვადასხვა დროს, იგი „ბეშიქთაშს“, „გალათასარაის“, „ლიონს“, „ჰამბურგს“, „დინამო ზაგრებს“, „ფროზინონესა“ და „ბოლონიას“ დაუკავშირეს. ყველაზე ხშირად „ლიონზე“ იწერებოდა, მაგრამ ფრანგებმა სხვა მცველები დაიმატეს.
საზონოვს რუსულ „დინამო მოსკოვთან“ 2024 წლის ზაფხულამდე აკავშირებს და Transfermarkt-ზე მისი ღირებულება 2.5 მილიონი ევროა.
