ანჩელოტი: ახლა მბაპეს ტრანსფერი 100%-ით გამორიცხულია
კარლო ანჩელოტი დარწმუნებულია, რომ კილიან მბაპე ამ ზაფხულს „რეალში“ არ გადავა.
„100%-ით გამოვრიცხავ. ვფიქრობ, ჩვენი შემადგენლობა სრულად არის დაკომპლექტებული, ჩვენი ფეხბურთელები სეზონზე არიან ფოკუსირებულნი“, - განაცხადა მადრიდელების მთავარმა მწვრთნელმა.
ასევე, ანჩელოტის არ აწუხებს, რომ საუდის არაბეთში სატრანსფერო ფანჯარა უფრო გვიან დაიხურება, ვიდრე ევროპაში.
„შეიძლება სხვამ გადაიფიქროს, მაგრამ ეს არ მაწუხებს",
მანამდე გავრცელდა ინფორმაცია, რომ მბაპემ პსჟ-სთან ხელშეკრულების გახანგრძლივებაზე მოლაპარაკებები დაიწყო.
კილიანს პარიზელებთან არსებული კონტრაქტი 2024 წლის 30 ივნისს უსრულდება. პსჟ-ს მისი უფასოდ გაშვება არ სურს და როგორც ჩანს, მხარეები შეთანხმებას მალე მიაღწევენ.
