პირს მორგანი: „იუნაიტედის ფანები მალე მიხვდებიან, რომ რონალდუ ტენ ჰაგთან მართალი იყო“

ცნობილმა ბრიტანელმა ტელეწამყვანმა და კრიშტიანუ რონალდუს აქტიურმა მხარდამჭერმა, პირს მორგანმა სოციალურ ქსელში დაწერა, რომ პორტუგალიელი ფეხბურთელი ერიკ ტენ ჰაგთან მიმართებით მართალი იყო და ამას „მანჩესტერ იუნაიტედის“ გულშემატკივრები მალე მიხვდებიან.

რას წერს მორგანი:

მოვა დრო, როდესაც „მანჩესტერ იუნაიტედის“ გულშემატკივრები კოლექტიური კომიდან გამოვლენ და მიხვდებიან, რომ კრიშტიანუ რონალდუ ტენ ჰაგის შესახებ მართალი იყო. ის ნაბი**არია.

At some point, United fans will wake up from their collective deluded coma and realise Ronaldo was ???? right about Ten Hag.
The bloke’s a dud.

— Piers Morgan (@piersmorgan) August 19, 2023

პრემიერ ლიგის გასულ ტურში, „მანჩესტერ იუნაიტედი“ ლონდონის „ტოტენჰემთან“ სტუმრად 2:0 დამარცხდა, პირველ ტურში კი „წითელმა ეშმაკებმა“ საკუთარ მოედანზე „ვულვზი“ 1:0 დაამარცხეს.

შეგახსენებთ, რომ კრიშტიანუ რონალდუმ „მანჩესტერ იუნაიტედი“ მიმდინარე წლის იანვარში ერიკ ტენ ჰაგთან კონფლიქტის გამო დატოვა და სათამაშოდ საუდის არაბეთის კლუბ „ალ-ნასრში“ გადავიდა. მანამდე, პორტუგალიელმა ფეხბურთელმა ღიად გააკრიტიკა ნიდერლანდელი სპეციალისტი, გუნდის მენეჯმენტი და სავარჯიშო ინფრასტრუქტურაც დაიწუნა.