პრემიერ ლიგის სარეკორდო თანხა | კაისედო ჩელსიში მიდის
„ბრაიტონის“ ფეხბურთელის, მოისეს კაისედოს სატრანსფერო საგა დასასრულს მიუახლოვდა. ეკვადორელი ახალგაზრდას გაფორმება „ლივერპულსა“ და „ჩელსის“ სურდათ და როგორც ფაბრიციო რომანო იტყობინება, „არისტოკრატებმა“ მიზანს მიაღწიეს.
რომანოს ცნობით, მხარეებმა ყველა დეტალი შეათანხმეს და დოკუმენტებს ხელი მოაწერეს. „ლურჯები“ კაისედოს სანაცვლოდ 115 მილიონ გირვანქა სტერლინგს გადაიხდიან, რაც პრემიერ ლიგისთვის სარეკორდო სატრანსფერო თანხაა.
BREAKING: Moisés Caicedo to Chelsea, here we go! Agreement reached and sealed right now — it’s gonna British record transfer fee ???????????????? #CFC
— Fabrizio Romano (@FabrizioRomano) August 13, 2023
£115m fee plus sell-on clause included for Brighton.
Medical tests, booked.
Caicedo will sign until June 2031 with option until 2032. pic.twitter.com/7O8whsRLdK
კაისედო „არისტოკრატებთან“ კონტრაქტს 2031 წლის ივნისამდე გააფორმებს და ხელშეკრულების 1 წლით გახანგრძლივება იქნება შესაძლებელი. ლონდონელებმა სამედიცინო შემოწმება უკვე ჩანიშნეს და ტრანსფერი ოფიციალურად უახლოეს პერიოდში დადასტურდება.
ცნობისთვის, კაისედო 21 წლის ფეხბურთელია, რომელმაც პრემიერ ლიგის გასულ სეზონში მონაწილეობა 37 შეხვედრაში მიიღო. მის ანგარიშზე 1 გოლი და ამდენივე საგოლე გადაცემა იყო.
