შეთანხმება შედგა - მბაპე კონტრაქტის გახანგრძლივებასთან ახლოს არის
კილიან მბაპემ და „პარი სენ-ჟერმენმა“ ხანგრძლივი მოლაპარაკებების შემდეგ შეთანხმებას მიაღწიეს. RMC Sport-ის ცნობით, ფრანგი ფეხბურთელი მზადაა პსჟ-სთან კონტრაქტი 2025 წლამდე გაახანგრძლივოს იმის გარანტიით, თუ კლუბი 2024 წელს, „რეალში“ ტრანსფერის გარანტიას მისცემს.
ამასთან, თითქმის გადაწყვეტილია, რომ უახლოეს პერიოდში პსჟ-ს მესვეურები მბაპეს მთავარ გუნდში დააბრუნებენ და უახლოეს თამაშებში მონაწილეობის შესაძლებლობას მისცემენ.
Kylian Mbappé ouvre désormais la porte à l’idée de prolonger jusqu’en 2025 avec la promesse du club de rejoindre le Real à l’été 2024.
— Abdellah Boulma (@AbdellahBoulma) August 13, 2023
Le PSG continue de tout mettre en œuvre pour éviter un départ libre de son attaquant. #PSG https://t.co/LRyQJefjNd
ცნობისთვის, პსჟ-მ ლიგა ერთში ახალი სეზონის პირველი შეხვედრა გუშინ, „ლორიენთან“ გამართა და ფრედ, 0:0 ითამაშა. კილიან მბაპე მატჩის განაცხადში საერთოდ არ ყოფილა.
შეგახსენებთ, რომ 24 წლის ფეხბურთელმა ორი თვის წინ ღიად განაცხადა, რომ მომავალ წელს პსჟ-სთან კონტრაქტის გახანგრძლივებას აღარ აპირებს, რის გამოც, არსებობს საშიშროება, რომ მბაპემ პარიზული გუნდი თავისუფალი აგენტის სტატუსით დატოვოს. პსჟ-ს ხელმძღვანელებმა ამ განცხადების შემდეგ, ფრანგი შემტევი ტრანსფერზე დააყენეს.
