ტრანსფერთან ერთ ნაბიჯში არიან | ნაპოლი გაბრი ვეიგას იმატებს
ხვიჩა კვარაცხელიას „ნაპოლი“ ნახევარდაცვის ხაზის გასაძლიერებლად მუშაობას განაგრძობს. „პარტენოპეი“ „სელტასთან“ მოლაპარაკებებს აწარმოებს და გაბრი ვეიგას ტრანსფერის დახურვასთან ერთ ნაბიჯშია.
ფაბრიციო რომანოს ინფორმაციით, ესპანელ ფეხბურთელს ნეაპოლელებთან სიტყვიერი შეთანხმება უკვე მიღწეული აქვს. კლუბები ტრანსფერის ღირებულებაზე მსჯელობენ და როგორც AS-ი წერს, „ნაპოლის“ ვეიგას გამოსასყიდი თანხის გადახდა, რომელიც 40 მილიონ ევროს შეადგენს, არ მოუწევს.
Understand Napoli are locked in talks with Celta Vigo for Gabri Veiga deal — plan to reach an agreement between clubs not triggering the clause ????????
— Fabrizio Romano (@FabrizioRomano) August 11, 2023
Veiga already agreed terms in principle with Napoli, clubs in direct contact to reach an agreement on fee. pic.twitter.com/3zkDg5RmbM
ესპანური გამოცემის მიხედვით, „პარტენოპეი“ დაახლოებით 35 მილიონს გადაიხდის, რასაც ბონუსები დაემატება, ვეიგას გაყიდვის შემთხვევაში კი „სელტას“ მიღებული თანხის პროცენტს დაუთმობს. ვიგოელები ვეიგას გაშვებას უკვე შეეგუვნენ და ტრანსფერი ოფიციალურად ძალიან მალე დადასტურდება.
ცნობისთვის, ვეიგამ „სელტას“ მაისური ყველა ტურნირზე ერთად 55-ჯერ მოირგო, 11 გოლი გაიტანა და 4 საგოლე გადაცემა შეასრულა. მისი გადაბირება ევროპული ფეხბურთის გრანდებს სურდათ და სხვადასხვა დროს, ინტერესი „ლივერპულმა“ და „ჩელსიმ“ გამოხატეს.
