ბაიერნის დატოვება უნდა - პავარი მანჩესტერ იუნაიტედს უახლოვდება
მომავალ სეზონში, ერიკ ტენ ჰაგს დიდი გეგმები აქვს. „მანჩესტერ იუნაიტედი“ ჩემპიონთა ლიგაზე დაბრუნდა და შემადგენლობის გაძლიერებას გეგმავს.
ამჯერად ნიდერლანდელმა სპეციალისტმა დაცვის გაძლიერება გადაწყვიტა. გავლენიანი გერმანელი სპორტული ჟურნალისტის ფლორიან პლატენბერგის თქმით, „წითელი ეშმაკები“ ბენჟამინ პავარის გადაბირებას აპირებენ.
ამ მომენტისთვის, ორივე მხარე სიტყვიერი შეთანხმების მიღწევას ცდილობს. ჯერჯერობით არ სახელდება სატრანსფერო დეტალები, მაგრამ პლატენბერგი გვამცნობს, რომ ფრანგ უკანახაზელს „ბაიერნის“ დატოვება სურს.
❗️???? Benjamin #Pavard: Concrete talks with @ManUtd at this stage! All parties involved are working on a verbal agreement now.
— Florian Plettenberg (@Plettigoal) August 9, 2023
➡️ Ten Hag is pushing for Pavard as he’s a versatile defender. Pavard wants to leave FC Bayern in August. #MUFC@SkySportDE ???????? pic.twitter.com/oADluyUBq5
შეგახსენებთ, რომ პავარი უნივერსალური მცველია. მას დაცვის მარჯვენა ფლანგზე და ცენტრში შეუძლია თამაში. ეს კი ნებისმიერი გუნდისთვის დამატებითი შესაძლებლობაა.
ასევე შეგახსენებთ, ბენჟამინი მიუნხენურ გრანდს 2019 წელს შეუერთდა. 2019 წლიდან დღემდე, ფრანგმა ფეხბურთელმა „ბაიერნის“ მაისური ყველა ტურნირზე ერთად 162-ჯერ მოირგო, 12 გოლი გაიტანა და 12 საგოლე გადაცემა შეასრულა.
