ოფიციალურად - ინიესტა კარიერას ემირატებში გააგრძელებს
როგორც მოგეხსენებათ, ანდრეს ინიესტამ „ვისელ კობი“ დატოვა. მისი გადაბირება დევიდ ბექჰემს სურდა. ლეგენდარულმა ინგლისელმა „ინტერ მაიამიში“ სერხიო ბუსკეტსი, ჟორდი ალბა და ლიონელ მესი მიიყვანა.
როგორც ჩანს, ბექჰემმა ანდრესი ვერ დაიყოლია. 2010 წლის მსოფლიოს ჩემპიონი კარიერას ემირატებში გააგრძელებს.
Welcome #iniesta in #emiratesclub ???????????? @andresiniesta8 @fabriziorom @liveherewego_ pic.twitter.com/Ak52cyEvNY
— شركة نادي الامارات لكرة القدم (@Emirates_FC) August 7, 2023
ლეგენდარულმა ესპანელმა ახალ გუნდთან 2-წლიანი ხელშეკრულება გააფორმა. ჯერჯერობით უცნობია, თუ რამდენი იქნება მისი ანაზღაურება.
ცნობისთვის, გასულ სეზონში, „ემირატებმა“ ელიტურ დივიზიონში მოხვედრა გაინაღდა და ახლა ლეგენდარული ესპანელის გადაბირებას აპირებს.
შეგახსენებთ, რომ ვეტერანი ესპანელი ბოლო 5 წლის განმავლობაში „ვისელ კობში“ თამაშობდა. ამ პერიოდის განმავლობაში, ანდრესმა იაპონური გუნდის მაისური ყველა ტურნირზე ერთად 134-ჯერ მოირგო, 26 გოლი გაიტანა და 25 საგოლე გადაცემა შეასრულა.
