მეორე ბრძოლა 1 კვირაში | ენტონი ჯოშუას მომდევნო მეტოქე ცნობილია

ბრიტანელ მოკრივეს, ენტონი ჯოშუას მომდევნო ბრძოლა 12 აგვისტოს ელის და მისი მეტოქე დილიან უაითი უნდა ყოფილიყო. ამ უკანასკნელმა სავალდებულო დოპინგ-ტესტი ვერ გაიარა და მას რობერტ ჰელენიუსი ჩაანაცვლებს.

ჰელენიუსი 39 წლის მოკრივეა, რომელსაც კარიერაში 32 გამარჯვება და 4 მარცხი აქვს. ბოლო ბრძოლა, მან რამდენიმე დღის წინ, 5 აგვისტოს გამართა და მიკა მიელონენი მეორე რაუნდში დაანოკაუტა. მას დეონტეი უაილდერთან, დილიან უაითთან და ჯერალდ ვაშინგტონთან უჩხუბია და სამივესთან დამარცხდა.

„ნამდვილი ვიკინგი ვარ, რომელიც ნებისმიერ გამოწვევასთან გასამკლავებლად მზადაა. ესაა შანსი, რომელსაც ხელიდან ვერ გავუშვებდი და მის გამოყენებას ვაპირებ. ეს დაწერილი არ ყოფილა და მხოლოდ გამარჯვებაზე ვარ ორიენტირებული“, - განაცხადა ფინელმა მოკრივემ.

ცნობისთვის, ენტონი ჯოშუას კარიერაში 25 ბრძოლა აქვს მოგებული და მხოლოდ 3-ჯერ დამარცხდა. „ეიჯეიმ“ ენდი რუის ჯუნიორთან და ოლექსანდრ უსიკთან წააგო, რომელმაც ჯოშუას დამარცხებით IBF-ის, WBO-ს, WBA-ისა და IBO-ს საჩემპიონო ქამრები დაისაკუთრა. ენტონიმ ბოლო ბრძოლა ჯერმეინ ფრანკლინის წინააღმდეგ გამართა და მსაჯების გადაწყვეტილებით იმარჯვა.