იუვენტუსში არ გადავა - მორატა კონტრაქტს ახანგრძლივებს
მადრიდის „ატლეტიკომ“ ალვარო მორატას ახალი კონტრაქტი შესთავაზა. ამის შესახებ ინფორმაციას გავლენიანი სატრანსფერო ექსპერტი ფაბრიციო რომანო ავრცელებს.
მისი თქმით, „როხიბლანკომ“ „ფურია როხას“ კაპიტანს ხელშეკრულების 1 წლით გახანგრძლივება შესთავაზა. ფეხბურთელსა და დიეგო სიმეონეს შორის შედგა კომუნიკაცია, რის შემდეგაც მორატამ მადრიდში დარჩენა გადაწყვიტა.
ცნობისთვის, ალვაროს გადაბირება ტურინის „იუვენტუსს“ და „რომას“ სურდათ. „ჯალოროსისთან“ შედარებით, „ბიანკონერი“ უფრო მეტ ინტერესს იჩენდა.
EXCL: Atletico Madrid offered new deal to Álvaro Morata, concrete possibility to stay and sign new contract valid until June 2027 ????????⚪️ #Atléti
— Fabrizio Romano (@FabrizioRomano) August 7, 2023
Morata signed until 2026 recently but can extend for one year more.
He’s now expected to stay at Atléti after speaking to Simeone. pic.twitter.com/bnHvkGNqLk
მორატას ტრანსფერი პირადად მასიმილიანო ალეგრის მოთხოვნა იყო, რადგან მათ ერთად მუშაობის გამოცდილება აქვთ. მეტიც, ესპანელ ფეხბურთელთან ერთად იტალიელი სპეციალისტი ჩემპიონთა ლიგის ფინალში გავიდა, სადაც „ბარსელონას“ შეხვდა. მორატამ გაიტანა, მაგრამ იუვე 1:3 დამარცხდა.
