მესამე წინადადებაც უარყოფილია | ტოტენჰემმა ბაიერნი უარით გაისტუმრა

ზაფხულის სატრანსფერო ფანჯრის მთავარი თემა ჰარი კეინის სამომავლო გეგმებია. ინგლისელი სუპერვარსკვლავის საკუთარ რიგებში ხილვით „ბაიერნია“ დაინტერესებული და „ტოტენჰემს“ წინადადებით სამჯერ მიმართა.

მიუნხენელთა ბოლო შეთავაზება 100-მილიონიანი იყო, რასაც 20 მილიონი ევროს ოდენობის ბონუსები დაემატებოდა, მაგრამ „რეკორდმაისტერს“ ამჯერადაც არაფერი გამოუვიდა. ცნობილი ბრიტანელი ჟურნალისტის, დევიდ ორნშტაინის მიხედვით, „დეზებმა“ „ბაიერნს“ უარი შეუთვალეს.

???? Bayern Munich have seen latest offer for Harry Kane rejected by Tottenham. After proposals in June + July turned down #FCBayern were £25m short of #THFC valuation. Talks last week led to improved bid but that has now been knocked back too @TheAthleticFC https://t.co/R7zVBWjGez

— David Ornstein (@David_Ornstein) August 7, 2023

როგორც ირკევა, „ტოტენჰემს“ 25 მილიონი გირვანქა სტერლინგით მეტი სურს და მთავარი დაბრკოლება სწორედ სატრანსფერო თანხაა. „დეზებს“ სურთ, მისი მომავალი ამ კვირაში, პრემიერ ლიგის დაწყებამდე გადაწყდეს.

ცნობისთვის, კეინს „ტოტენჰემთან“ ხელშეკრულება 2024 წლის 30 ივნისს ეწურება და ჯერჯერობით თავად ფეხბურთელი ახალი კონტრაქტის გაფორმებას არ ჩქარობს. „დეზებს“ მისი უსასყიდლოდ დაკარგვა არ სურთ და იმედი აქვთ, რომ მოახერხებენ იგი ხელშეკრულების გახანგრძლივებაზე დაიყოლიონ.