გორის დილას მომდევნო მეტოქე ცნობილია | ბელგიური ან პოლონური კლუბი
დღეს, ნიონში მდებარე უეფას შტაბ-ბინაში, კონფერენს ლიგის საკვალიფიკაციო ეტაპის პლეიოფების წილისყრა გაიმართა. აღნიშნული ტურნირის ჯგუფურ ეტაპზე მოხვედრის შანსი გორის „დილას“ აქვს, რომლის მეტოქეც მესამე საკვალიფიკაციო ეტაპზე „აპოელი“ გახლავთ.
კვიპროსული კლუბის ბარიერის დაძლევის შემთხვევაში, ანდრეი დემჩენკოს ბიჭებს რთული გამოცდის ჩაბარება მოუწევთ. ევროპა ლიგის საკვალიფიკაციო ეტაპის პლეიოფში „დილა“ „გენტი“ „პოგონის“ წყვილის გამარჯვებულს დაუპირისპირდება.
კონფერენს ლიგის პლეიოფის პირველი შეხვედრები 24 აგვისტოს გაიმართება, განმეორებითი მატჩები კი 31-შია ჩანიშნული. მატჩების დაწყების ზუსტი საათი 11 აგვისტოს გაირკვევა. როგორც მოგეხსენებათ, გორის „დილა“ საშინაო მატჩს „დინამო არენაზე“ ჩაატარებს.
