რეკორდები, რომლებიც მესიმ შესაძლოა MLS-ში დაამხოს

ლიონელ მესის MLS-ში ზღაპრული დებიუტი ჰქონდა. არგენტინელმა სუპერ ვარსკვლავმა „კრუს ასულს“ მსაჯის მიერ კომპენსირებულ დროში ეფექტური ჯარიმა გაუტანა და „ინტერ მაიამის“ მოაგებინა.

მესის ამერიკის ჩემპიონატში გადასვლას ბევრი სკეპტიკურად აფასებდა. თავად ლეო კი ბედნიერია. 7 ოქროს ბურთის მფლობელს შესანიშნავი შანსი აქვს, რომ რეკორდების კუთხით MLS-ის ისტორია გადაწეროს, მაგრამ, რა თქმა უნდა, ამისთვის დრო სჭირდება.

მოდით განვიხილოთ, თუ რომელი რეკორდების მოხსნა შეუძლია არგენტინელ სუპერვარსკვლავს.

MLS-ის ყველა დროის საუკეთესო ბომბარდირი - ამ მიღწევით თავს კრის ვონდალოვსკი იწონებს, რომელსაც 171 გოლი აქვს გატანილი და ის ამ მაჩვენებლით ამერიკის ჩემპიონატში საუკეთესოა.

ყველაზე მეტი გატანილი გოლი MLS-ის ერთ სეზონში - ეს რეკორდი კი გამოცდილ კარლოს ველას ეკუთვნის. მექსიკელმა შემტევმა ერთ სეზონში 35 გოლს მოუყარა თავი.

ყველაზე მეტი ჯარიმა MLS-ში - გაგიკვირდებათ, მაგრამ ამერიკის ჩემპიონატის არსებობის ისტორიაში ჯარიმიდან ერთ კონკრეტულ ფეხბურთელს ყველაზე მეტჯერ 13-ჯერ გაუტანია. ეს შედეგი კიდევ ერთმა გამოცდილმა ფეხბურთელმა სებასტიან ჯოვინკომ დააფიქსირა.

ყველაზე მეტი საგოლე პასი MLS-ში - ეს რეკორდი ამერიკული ფეხბურთის ლეგენდას ლენდონ დონოვას ეკუთვნის, რომელმაც 136 ასისტი მიითვალა.

ყველაზე მეტი ნათამაშები წუთი - დისი „იუნაიტედის“ და „რეალ სოლთ ლეიქის“ მეკარეს ნიკოლას რიმანდოს MLS-ში 46 336 წუთი აქვს ნათამაშები.

ყველაზე მეტი საგოლე გადაცემა MLS-ის ერთ სეზონში - ამ მიღწევის გამეორება წესით ლეოს არ უნდა გაუჭირდეს. მრავალი წლის წინ, ლეგენდარულმა კარლოს ვალდერამამ ერთ სეზონში 26 საგოლე პასი მიითვალა.

მესის სადებიუტო გოლი