ოფიციალურად - კუადრადო ინტერის ფეხბურთელია
ხუან კუადრადოს ტურინის „იუვენტუსთან“ კონტრაქტი დაუმთავრდა. „ბებერმა ქალბატონმა“ კოლუმბიელ ფეხბურთელთან თანამშრომლობა აღარ ისურვა და ხელშეკრულება აღარ გაუხანგრძლივა.
აქედან გამომდინარე, ვეტერანი შემტევი თავისუფალი აგენტი გახდა და „ინტერში“ გადავიდა. ეს ინფორმაცია „ნერაძურის“ ოფიციალურმა გვერდმა დაადასტურა და კუადრადოსთან ინტერვიუ ჩაწერა.
რა თქვა კუადრადომ?
„მოხარული ვარ და მინდა ღმერთს მადლობა გადავუხადო ამ შესაძლებლობისთვის. ჩემთვის დიდი პატივია ევროპის ერთ-ერთი საუკეთესო კლუბში მოხვედრა. ბევრი შემოთავაზება მქონდა, მაგრამ იტალია ჩემი მეორე სამშობლოა. ჩემი ოჯახი აქაურობას ძალიან შეეჩვია და გარემოს შეცვლა არ გვინდოდა.
ავირჩიე გუნდი ფანტასტიკური ისტორიით. ყველამ კარგად იცის, თუ რას წარმოადგენს „ინტერი“ გლობალურ დონეზე. ეს ნამდვილად საუკეთესო არჩევანია. ყოველთვის ვცდილობ მოედანზე ყველაფერი ღიმილით გავაკეთო. ამ გუნდის წარმატებისთვის ჩემს მაქსიმუმს გავაკეთებ.“
Bienvenido ????????#ForzaInter #WelcomeJuan
— Inter (@Inter) July 19, 2023
შეგახსენებთ, რომ კოლუმბიელი შემტევისთვის „ინტერი“ სერია ა-ს მეხუთე გუნდია. აქამდე ის „ლეჩეში“, „უდინეზეში“, „ფიორენტინაში“ და „იუვენტუსში“ თამაშობდა.
