“გვაქვს ცოდნა, ძალა და ერთიანობა“ - ვარეშანოვიჩი ტორპედოსთან მატჩის წინ

კონფერენს ლიგის საკვალიფიკაციო ეტაპის განმეორებით მატჩში „სარაევო“ ქუთაისის „ტორპედოს“ უმასპინძლებს. მატჩის წინ, მასპინძელთა მთავარმა მწვრთნელმა ვარეშანოვიჩმა კომენტარი გააკეთა.

ვარეშანოვიჩი:

„წინ ცოტა გაურკვეველი მატჩი გველოდება ძალიან კარგ გუნდთან. „ტორპედოს“ დიდი გამოცდილება აქვს და სახიფათო მოთამაშეები ჰყავს. მიუხედავად ამისა, ჩვენ პირველ მატჩში ვაჩვენეთ, რომ ასეთ გუნდებთან თამაში შეგვიძლია. მეტი იღბალი, რომ გვქონოდა, პირველ 30 წუთში შეხვედრის ბედს გადავწყვეტდით. ეს არ გამოგვივიდა, მაგრამ იმედი მაქვს, ხვალ შევძლებთ.

გადაწყვეტილი მაქვს, თუ რა ტაქტიკით ვითამაშებთ. პირველი მატჩის საწყის 30 წუთში ბურთი 2-ჯერ ძელს მოვარტყით და ხუთი კუთხური ჩავაწოდეთ. პირველი გოლი ჩვენი შეცდომის შედეგად გავუშვით. ვითამაშებ, თუ არა პირველივე წუთიდან შემტევ ფეხბურთს? ჯერ არ ვიცი. წინ 90 წუთი გვაქვს, რათა ჩვენი შესაძლებლობები დავამტკიცოთ. გვაქვს ძალა, ცოდნა და ერთიანობა.“

შეგახსენებთ, რომ პირველი მატჩი ქუთაისში გაიმართა და ფრედ 2:2 დასრულდა. განმეორებითი შეხვედრა 20 ივლისით თარიღდება და თბილისის დროით 23:00-დან დაიწყება.