ყაზახური მედია: “ასტანამ 2 წუთში თბილისში სასწაული მოახდინა“

ჩემპიონთა ლიგის საკვალიფიკაციო ეტაპზე თბილისის „დინამომ“ „ასტანას“ უმასპინძლა და 1:2 დამარცხდა. ორი მატჩის ჯამში, ყაზახურმა გუნდმა 3:2 მოიგო და შემდეგ ეტაპზე გავიდა.

შეხვედრის დასრულების შემდეგ, ყაზახურმა მეტია აღნიშნული მატჩი შეაფასა.

რას წერს Sports.kz?

„“ასტანამ“ 2 წუთში თბილისში სასწაული მოახდინა. პირველივე წუთიდან „დინამომ“ „ასტანას“ ინიციატივა მისცა და ამის წყალობით თბილისელებმა კონტრ-შეტევაზე გაიტანეს. პირველი ტაიმის დასრულებამდე, ანგარიშის შეცვლა ორივე გუნდს შეეძლო, მაგრამ გოლი არ გავიდა.

მეორე ტაიმის საწყის წუთებზე, მასპინძლებს გოლის გატანის კარგი შანსი ჰქონდათ, მაგრამ პირიქით - „ასტანამ“ 2-წუთიან მონაკვეთში ორი გოლი გაიტანა, სასწაული მოახდინა და ჩემპიონთა ლიგის საკვალიფიკაციო ეტაპის შემდეგ ეტაპზე გავიდა.“

ცნობისთვის, გიორგი ჭიაბრიშვილის გუნდი ამ წაგების შემდეგ, კონფერენს ლიგის საკვალიფიკაციო ეტაპის მეორე წრეში იასპარეზებს, სადაც „დინამო“ მალტურ „ჰამრუნს“ დაუპირისპირდება.