The Athletic: მარეზი ალ აჰლის ფეხბურთელია

საუდის არაბეთში ტოპ ფეხბურთელების გადინება გრძელდება. ბოლო პერიოდში, აქტიურად იწერებოდა, რომ რიად მარეზი „ალ აჰლიში“ ითამაშებდა.

ბრიტანული ავტორიტეტული გამოცემა The Athletic იუწყება, რომ ალჟირელ ფეხბურთელსა და არაბულ კლუბს შორის 3-წლიანი კონტრაქტი გაფორმდა. „ალ აჰლის“ რიადის შეძენა 35 მილიონი ევრო დაუჯდა. „მანჩესტერ სიტი“ დორთა განმავლობაში 5-მილიონიან ბონუსს მიიღებს.

32 წლის ფეხბურთელი სამედიცინო შემოწმებას ხვალ გაივლის და „ალ აჰლი“ ამის შემდეგ, ტრანსფერს ოფიციალურად გამოაცხადებს.

შეგახსენებთ, რომ რიად მარეზი „მანჩესტერ სიტის“ 2018 წელს შეუერთდა. 2018 წლიდან დღემდე, ალჟირელმა შემტევმა „ქალაქელების“ მაისური ყველა ტურნირზე ერთად 236-ჯერ მოირგო, 78 გოლი გაიტანა და 59 საგოლე გადაცემა შეასრულა.

ასევე გეტყვით, საუდის არაბეთში „მანჩესტერ სიტის“ კიდევ ერთი ფეხბურთელით ინტერესდებიან. „ალ ჰილალი“ ბერნარდუ სილვასთან აწარმოებს მოლაპარაკებას.