უარი საუდის არაბეთს და 30 მილიონს - ბუფონმა შესაძლოა კარიერა დაასრულოს
იტალიური მედიის ინფორმაციით, ჯანლუიჯი ბუფონს საუდის არაბეთიდან 2-წლიანი კონტრაქტი 30 მილიონი ევრო შესთავაზეს, რაზეც ლეგენდარულმა მეკარემ უარი განაცხადა.
ავტორიტეტული გამოცემა Tuttosport წერს, რომ „ჯიჯიმ“ შესაძლოა საფეხბურთო კარიერა დაასრულოს. 45 წლის კარის დარაჯს „პარმასთან“ კიდევ 1-წლიანი კონტრაქტი აკავშირებს, მაგრამ მის სურვილს გუნდი პატივს სცემს.
წყარო ამტკიცებს, რომ ჯანლუიჯის კარიერის დასრულება აქვს გადაწყვეტილი და ამას სულ რამდენიმე დღეში გამოაცხადებს. საუდის არაბეთისთვის უარის თქმის მიზეზი სწორედ ეს გახდა.
????#Buffon, c’è l’addio oltre l’Arabia Saudita? È pronto all’annuncio https://t.co/lZipnCzHIB
— Tuttosport (@tuttosport) July 19, 2023
