შეთანხმება მიღწეულია - ჟორდი ალბა ინტერ მაიამიში ითამაშებს
როგორც მოგეხსენებათ, დევიდ ბექჰემს „ინტერ მაიამიში“ მესისთვის მაქსიმალური კომფორტის შექმნა სურს.
ამის გამო ყოფილმა ფეხბურთელმა გუნდში სერხიო ბუსკეტსი მიიყვანა. ბოლო დღეებში, აქტიურად იწერებოდა, რომ ჟორდი ალბა დევიდის გუნდის მაისურს მოირგებდა.
ამ საკითხთან დაკავშირებით, გავლენიანი სატრანსფერო ექსპერტი და ცნობილი სპორტული ჟურნალისტი ფაბრიციო რომანო ახალ ინფორმაციას ავრცელებს.
ვიგებთ, რომ ალბა „ინტერ მაიამის“ შეუთანხმდა. ჟორდი მესის და ბუსკეტსის შემდეგ იქნება „ბარსელონას“ მესამე ყოფილი ფეხბურთელი, რომელიც MLS-ში ითამაშებს. ჯერჯერობით ვეტერან ესპანელს კონტრაქტზე ხელი არ მოუწერია, თუმცა ეს დროის საკითხია.
ცნობისთვის, TycSport-ის ჟურნალისტის გასტონ ედულის თქმით, დევიდ ბექჰემი ლუის სუარესის გადაბირებასაც გეგმავს და მოლაპარაკება ყოველდღიურად პროგრესირებს.
Luis Suárez se acerca a Inter Miami. Están negociando hace tiempo y se avanzó.
— Gastón Edul (@gastonedul) July 18, 2023
En Inter Miami creen que lo van a tener en breve.
