MLS-ის შეცდომა | ბუსკეტსი არბელოას ფოტოთი წარადგინეს
„ბარსელონას“ ყოფილი ფეხბურთელი, სერხიო ბუსკეტსი კარიერას MLS-ში გააგრძელებს და „ინტერ მაიამის“ რიგებში ითამაშებს. ამერიკულმა კლუბმა ესპანელი ნახევარმცველი ოფიციალურად წარადგინა, MLS-ის „ტვიტერის“ გვერდმა კი სასაცილო შეცდომა დაუშვა.
MLS-მა გულშემატკივრებს ვეტერანი ფეხბურთელის გადასვლა სოციალურ ქსელში გამოქვეყნებული პოსტით ამცნო, მაგრამ შეცდომა დაუშვა და ბუსკეტსის ნაცვლად, ალვარო არბელოას ფოტო გამოიყენა. MLS-ის „ტვიტერის“ გვერდმა ფოტო მალევე წაშალა, მაგრამ სოციალური ქსელების მომხმარებლებს შეცდომა არ გამოჰპარვიათ.
MLS welcoming Sergio Busquets to their league with a photo of Alvaro Arbeloa winning the 2010 World Cup. pic.twitter.com/IQK0PzhZcz
— Colin Millar (@Millar_Colin) July 16, 2023
MLS-ს საკუთარი შეცდომის აღიარება მოუწია და რამდენიმე წუთის შემდეგ, ახალი პოსტი გამოაქვეყნა და განაცხადა: „რატომ ჰგვანან არბელოა და ბუსკეტსი ასე ძალიან ამ ფოტოებში. ადმინს ახალი სათვალე სჭირდება“.
why do arbeloa and busquets look so similar in these. admin needs new glasses…????????♂️ pic.twitter.com/dxRmOvdMaI
— Major League Soccer (@MLS) July 16, 2023
შეგახსენებთ, რომ 35 წლის ფეხბურთელმა ამერიკულ კლუბთან კონტრაქტი 2025 წლის ზაფხულამდე გააფორმა. იგი ლიონელ მესის შეუერთდა და უცხოური პრესის ინფორმაციით, დიდი ალბათობით, სადებიუტო შეხვედრას 21 ივლისს, „კრუზ ასულის“ წინააღმდეგ გამართავს.
