„არსენალში რაღაც განსაკუთრებული ხდება“ | ტიმბერი მეთოფეა!
ლონდონის „არსენალი“ შემადგენლობის გაძლიერებას განაგრძობს. „მეთოფეებმა“ ნიდერლანდელი მცველი დაიმატეს და იურიენ ტიმბერის ტრანსფერი ოფიციალურად დაადასტურეს.
„უტრეხტში გაზრდილი ყველა ბავშვი ფეხბურთელობაზე ოცნებობდა. როცა ჩემს ძმებთან ერთად, თამაშებს ვუყურებდი, მინდოდა, მსოფლიოს უდიადეს და საუკეთესო კლუბებში მეთამაშა. თუმცა, ვგრძნობდი, რომ უნდა ამერჩია გუნდი, რომელიც სწორ ფეხბურთს თამაშობს, სათანადო ღირებულებებით გამოირჩევა, ახალგაზრდა ტალანტებს ავითარებს და გულშემატკივრებთან უტეხი კავშირი აქვს.
არსენალში უკვე თავს ისე ვგრძნობ, როგორც საკუთარ სახლში. აქ რაღაც განსაკუთრებული ხდება და მინდა, მისი ნაწილი ვიყო. დროა სამუშაოს შევუდგეთ და კლუბთან ერთად წარმატებას მივაღწიოთ“, - განაცხადა ნიდერლანდელმა ფეხბურთელმა.
The Arsenal family continues to grow ❤️ pic.twitter.com/VovE3Zt24J
— Arsenal (@Arsenal) July 14, 2023
შეგახსენებთ, რომ ტიმბერი ბოლოს „აიაქსში“ თამაშობდა. გავრცელებული ინფორმაციით, ლონდონელებმა მის სანაცვლოდ 40 მილიონ ევროს გადაიხადეს, რასაც 5 მილიონის ოდენობის ბონუსები დაემატება.
