კონტრაქტი დღეს გაფორმდება | ჩაკვეტაძე საფრანგეთის ლიგა 1-ში ითამაშებს
საქართველოს ნაკრების ფეხბურთელი, გიორგი ჩაკვეტაძე, რომელმაც გასული სეზონი „სლოვანში“ გაატარა, საფრანგეთის ლიგა 1-ში ითამაშებს. ცნობილი ჟურნალისტის, საშა ტავოლიერის ინფორმაციით, „ჩაკვე“ გიორგი მიქაუტაძეს შეუერთდება და „მეცის“ ღირსებას დაიცავს.
როგორც ირკვევა, ფრანგულ კლუბსა და „გენტს“ შორის შეთანხმება უკვე მიღწეულია. „მეცი“ გიორგის იჯარის წესით წაიყვანს და მისი კონტრაქტის გამოსყიდვის უფლება ექნება. ჩაკვეტაძესა და მიქაუტაძის გუნდს შორის საიჯარო ხელშეკრულება დღეს გაფორმდება და იგი „მეცში“ 2023-24 წლების სეზონის ბოლომდე დარჩება.
???????????? Giorgi #Chakvetadze devrait changer d’air ! Le #FCMetz est parvenu à trouver un accord avec le #KAAGent dans le cadre d’un prêt avec option d’achat pour le milieu offensif géorgien qui devrait signer aujourd’hui sa convention de prêt jusqu’en fin de saison avec le club de… pic.twitter.com/dwkpUdJcAf
— Sacha Tavolieri (@sachatavolieri) July 10, 2023
შეგახსენებთ, რომ 23 წლის ნახევარმცველი 2024 წლის ივნისამდე „გენტის“ საკუთრებაა და გასული სეზონი იჯარით „სლოვანში“ გაატარა. საერთო ჯამში, „ჩაკვემ“ ვლადიმირ ვაისის ხელმძღვანელობით, 47 მატჩი ჩაატარა და მის ანგარიშზე 1 გოლი და 9 შედეგიანი გადაცემაა.
გერმანული სამენეჯერო სააგენტოს, Transfermarkt-ის მიხედვით, ქართველი ფეხბურთელის სატრანსფერო ღირებულება 2.4 მილიონი ევროა. ჯერჯერობით, კლუბებს შორის მიღწეული შეთანხმების ფინანსური მხარის შესახებ არაფერია ცნობილი და წესითა და რიგით, ყველაფერი მალე გაირკვევა.
