მეისონ მაუნტი: „ტენ ჰაგმა ჩემზე დიდი შთაბეჭდილება მოახდინა“
რამდენიმე წუთის წინ, „მანჩესტერ იუნაიტედმა“ ოფიციალურად დადასტურა გუნდში მეისონ მაუნტის ტრანსფერის შესახებ.
„წითელმა ეშმაკებმა“ 24 ნახევარმცველის სანაცვლოდ ლონდონის „ჩელსის“ 55 მილიონი ევრო გადაუხადეს, რომელსაც 5 მილიონი ევროს რაოდენობის ბონუსებიც დაემატება.
„მანჩესტერ იუნაიტედში გადასვლის შემდეგ“, ინგლისელმა ნახევარმცველმა კლუბთან ერთად განსახორციელებელ მიზნებზე ისაუბრა.
რა თქვა მაუნტმა:
არასოდეს არის მარტივი იმ კლუბის დატოვება, სადაც გავიზარდე, მაგრამ „მანჩესტერ იუნაიტედი ჩემი კარიერის შემდეგ ეტაპზე კარგი და საინტერესო გამოწვევა იქნება. მათ წინააღმდეგ თამაშმა მასწავლა, თუ რამდენად ძლიერია გუნდი, რომელსაც ვუერთდები. მოუთმენლად ველი, როდის შევუერთდები გუნდს და გავხდები დიდი ტიტულების მოპოვების ნაწილი.
ყველა ხედავს, თუ როგორ განვითარდა კლუბი ერიკ ტენ ჰაგის მოსვლის შემდეგ. როდესაც შევხვდი და გეგმები განვიხილეთ, ეს ჩემთვის ძალიან ამაღელვებელი იყო. მზად ვარ იმ მძიმე სამუშაოსთვის, რომლის შესრულებაც ამ კლუბში მომიწევს.
თავად ძალიან ამბიციური ვარ და კარგად ვიცი, რა არის საჭირო დიდი თასების მოსაგებად. ყველაფერს გავცემ, რათა ეს გრძნობა მანჩესტერ იუნაიტედშიც განვიცადო.
✍️ It's official.
— Manchester United (@ManUtd) July 5, 2023
Welcome to Manchester United, Mason Mount! ????#MUFC
შეგახსენებთ, რომ „მანჩესტერ იუნაიტედში“ გადასვლამდე მეისონ მაუნტი ლონდონის „ჩელსის“ ღირსებას იცავდა და კლუბთან ერთად ორი წლის წინ ჩემპიონთა ლიგის მოგება შეძლო.
