ცნობილია, ვინ იქნება რეალის კაპიტანი ახალი სეზონიდან
მადრიდის „რეალმა“ 2023/24 წლების სეზონის კაპიტნები ოფიციალურად წარადგინა. კლუბის მიერ გავრცელებულ ინფორმაციაში ვკითხულობთ, რომ ახალ სეზონში გუნდის პირველი კაპიტანი ნაჩო ფერნანდესი იქნება.
ასევე, ვიცე-კაპიტნის სტატუსს ლუკა მოდრიჩი ჩაიბარებს, მე-3 კაპიტნად დანი კარვახალი მოგვევლინება, მე-4 კაპიტანი კი ტონი კროოსი იქნება.
შეგახსენებთ, რომ გასული სეზონის განმავლობაში გუნდს კაპიტნობას კარიმ ბენზემა უწევდა, რომელიც რამდენიმე კვირის წინ საუდის არაბეთის კლუბ ალ-ჰილალში გადავიდა.
©️???? ¡NUESTROS CAPITANES! pic.twitter.com/fmY7sjUpWg
— Real Madrid C.F. (@realmadrid) July 3, 2023
რაც შეეხება ნაჩო ფერნანდესს, 32 წლის მცველს „სამეფო კლუბის“ მთავარ გუნდში დებიუტი 2010/11 წლების სეზონში ჰქონდა და ყველა ტურნირზე 319 შეხვედრის ჩატარება მოასწრო, რომელშიც 16 გოლი გაიტანა და 9 საგოლე გადაცემა შეასრულა.
შეგახსენებთ, რომ 2023/24 წლების სეზონის პირველ შეხვედრას მადრიდის „რეალი“ 13 აგვისტოს, ბილბაოს „ატლეტიკის“ წინააღმდეგ გამართავს.
