მწვანე შუქი აუნთო? - კეინისთვის ბაიერნი სასურველი გუნდია
როგორც მოგეხსენებათ, ჰარი კეინი ერთ-ერთი ყველაზე მოთხოვნადი ფეხბურთელია. ინგლისელ თავდამსხმელს არაერთ ევროპულ გრანდს უკავშირებენ, მათ შორის „რეალს“, „მანჩესტერ იუნაიტედს“ და მიუნხენის „ბაიერნს“.
ამ საკითხთან დაკავშირებით, გერმანელი ცნობილი ჟურნალისტი ფლორიან პლატენბერგი „ტვიტერის“ საკუთარ გვერდზე ახალ ინფორმაციას ავრცელებს.
ვიგებთ, რომ კეინმა „რეკორდმაისტერს“ განუცხადა, რომ „ბაიერნი“ მისთვის სასურველი გუნდია. აქედან გამომდინარე, მიუნხენში ოპტიმისტურად არიან განწყობილნი. ბუნდესლიგის მოქმედ ჩემპიონს სჯერა, რომ ჰარის გადაბირებას 100 მილიონ ევროზე ნაკლებად შეძლებენ.
News #Kane: Internally and after new rounds, he‘s the top striker transfer target now.
— Florian Plettenberg (@Plettigoal) June 26, 2023
➡️ Still difficult but #FCBayern got the signal from Kane that Bayern is his preferred destination. #COYS
Bayern bosses, planning the next steps now. Bayern optimistic to get Kane for less… pic.twitter.com/9zOi3MHBYN
შეგახსენებთ, რომ რამდენიმე კვირის წინ, ბენზემას წასვლის შემდეგ, მადრიდული გრანდი კეინის დაყოლიებას აქტიურად ცდილობდა, თუმცა შემდეგ კილიან მბაპეს ყიდვის შანსი გაჩნდა და „დეზებთან“ კომუნიკაცია შეწყდა.
როგორც უკვე მოგახსენეთ, რადარზე „მანჩესტერ იუნაიტედიც“ არის, თუმცა თავად კეინს „წითელ ეშმაკებში“ გადაბარგების სურვილი არასდროს გამოუთქვამს. ცნობისთვის, 29 წლის თავდამსხმელს „ტოტენჰემთან“ კონტრაქტი 2024 წლის ივნისში ეწურება.
