რუსი დამარცხებულია - ზედგინიძე საერთაშორისო ტურნირის გამარჯვებულია
დუბაიში დასრულებულ ჯიუ ჯიცუს საერთაშორისო ტურნირზე დავით ზედგინიძემ ოქროს მედალი მოიპოვა.
62 კილოგრამი წონითი კატეგორიის ფინალში ქართველმა სპორტსმენმა რუსი აბდულა ჰამადი 7:0 დაამარცხა და ჩემპიონობა იზეიმა.
ზედგინიძემ AJP-ი ტურში მეოთხედფინალი გამოტოვა და ტურნირზე ნახევარფინალიდან ჩაერთო, სადაც მისი მეტოქე გაერთიანებული ემირატების მებრძოლი რაშიდ ალი იყო.
ზედგინიძემ მოწინააღმდეგეს 1 წუთსა და 24 წამში იოლად ანგარიშით 3:0 მოუგო.
შეგახსენებთ, რომ 19 წლის ქართველ მებრძოლს საერთაშორისო ასპარეზზე 6 შეხვედრა აქვს მოგებული. ასევე, აღსანიშნავია, რომ საქართველოში დავით ზედგინიძე თავის წონაში რეიტინგის ლიდერია.
