კონტაქტი მხარეებს შორის | ტოტენჰემი მამარდაშვილის ტრანსფერზე ფიქრობს
„ვალენსიას“ ქართველი მეკარის, გიორგი მამარდაშვილის გადაბირებით პრემიერ ლიგის რამდენიმე კლუბია დაინტერესებული. ერთ-ერთი „ტოტენჰემია“ და რამდენიმე წუთის წინ, ცნობილმა სატრანსფერო ექსპერტმა, ფაბრიციო რომანომ ამ თემაზე ახალი ინფორმაცია გაავრცელა.
რომანოს მიხედვით, „დეზების“ მთავარი სამიზნე დავიდ რაია გახლავთ. მხარეებს შორის პირადი კონტრაქტის დეტალებიც შეთანხმებულია, მაგრამ „ბრენტფორდი“ მის სანაცვლოდ 40 მილიონ გირვანქა სტერლინგს ითხოვს, რაც ლონდონელთა აზრით, ძალიან ძვირია. შესაბამისად, ისინი ალტერნატიულ ვარიანტებზე ფიქრობენ.
Tottenham keep working on new GK as David Raya remains top of the list after agreement on personal terms but £40m asking price is still considered too high. ⚪️ #THFC
— Fabrizio Romano (@FabrizioRomano) June 21, 2023
Spurs have now started contacts to be informed on Giorgi Mamardashvili deal conditions. pic.twitter.com/BQ5gjgLLgm
როგორც ფაბრიციო წერს, „ტოტენჰემსა“ და მამარდაშვილის წარმომადგენლებს შორის კონტაქტი იყო და „დეზების“ მიზანი გიორგის შესაძლო ტრანსფერზე ინფორმაციის მიღება გახლდათ. ქართველი მეკარის გამოსასყიდი თანხა 100 მილიონი ევროა, მაგრამ ესპანური პრესის ცნობით, „ვალენსია“ მზადაა, მას 30-35 მილიონად შეელიოს, რაც 40 მილიონ გირვანქა სტერლინგზე ბევრად ნაკლებია.
ცნობისთვის, „მამარდას“ „ჩელსის“ და „ინტერსაც“ უკავშირებდნენ. იტალიური გამოცემების მიხედვით, „ნერაძურიმ“ არჩევანი გულიელმო ვიკარიოზე შეაჩერა, „არისტოკრატები“ კი კვლავინდებურად ტრანსფერის გაჩარხვის კანდიდატებად განიხილებიან.
