ბრწყინვალე გასროლა - 18 წლის ქართველის საოცარი გოლი იტალიაში

იტალიაში, ანგელო დოსენას სახელობის ტურნირის ჯგუფურ ეტაპზე „კრემონეზეს“ 19 წლამდე გუნდის ქართველმა ფეხბურთელმა დაჩი ლორთქიფანიძემ „ბრეშას“ 19-წლამდე გუნდს ბრწყინვალე გოლი გაუტანა, შორი მანძილიდან მაღალ კუთხეში შეუგდო.

„კრემონეზეს“ 19-წლამდე გუნდი ტურნირის ნახევარფინალში ბერგამოს „ატალანტას“ 19-წლამდე გუნდთან დამარცხდა (0:1).

შეგახსენებთ, დაჩი ლორთქიფანიძე „კრემონეზეს“ ასაკობრივ გუნდებში ხუთი წელია ასპარეზობს, ''კრემონეზეს'' 16-წლამდე გუნდის კაპიტანი იყო. ის ასევე კაპიტნობდა ''კრემონეზეს'' 17-წლამდე გუნდს. 17-წლამდე გუნდში დაჩის ლუკა ბელინგერი წვრთნიდა, რომელსაც ფეხბურთელობისას ''კომოსა'' და ''ლივორნოს'' რიგებში სერია ა-ში უთამაშია. დაჩი ლორთქიფანიძის მთავარი პოზიციაა საყრდენი ნახევარმცველია, თუმცა საჭიროების შემთხვევაში ცენტრალური მცველის პოზიციაზეც შეუძლია თამაში.

გასულ სეზონში „კრემონეზეს“ 19-წლამდე გუნდში დაჩი ლორთქიფანიძემ 27 თამაშში 2 გოლი შეაგდო და 7 საგოლე პასი შეასრულა.

დაჩი ლორთქიფანიძემ საქართველოს 18-წლამდე ნაკრებში 3 მატჩი ჩაატარა.