დიდი სამეული ფინიქსში | ბრედლი ბილი უიზარდსს ტოვებს
NBA-ის ცნობილი ინსაიდერის, ედრიან ვოინაროვსკის ინფორმაციით, „ვაშინგტონ უიზარდსმა“ ყველა ვარსკვლავის მატჩის სამგზის მონაწილე, ბრედლი ბილი „ფინიქს სანსში“ გაუშვა. ტრეიდის შედეგად, „ვაშინგტონმა“ კრის პოლი, ლენდრი შამეტი, მეორე რაუნდის პიკები და რამდენიმე პიკის გაცვლის უფლება მიიღო.
BREAKING: The Washington Wizards are finalizing a trade to send All-Star G Bradley Beal to the Phoenix Suns, sources tell ESPN. Beal’s waiving his no-trade to form a new Big 3 with Devin Booker and Kevin Durant. Teams are still working thru framework, but Beal is headed to Suns. pic.twitter.com/0lQrSh370q
— Adrian Wojnarowski (@wojespn) June 18, 2023
„ფინიქსს“ პირველი რაუნდის პიკი, რომლის ტრეიდში ჩართვაც შეიძლებოდა, არ ჰქონდა და როგორც ვოინაროვსკი იტყობინება, ტრეიდის გაოფიციალურებას რამდენიმე დღე დასჭირდება. ბილის აგენტმა, მარკ ბარტელსტეინმა დაადასტურა, რომ მხარეებს შორის შეთანხმება მიღწეულია და ტრეიდს წინ არაფერი უდგას.
ცნობისთვის, ზაფხულში, 29 წლის შემტევმა მცველმა „ვაშინგტონთან“ 5-წლიანი, 251-მილიონიანი კონტრაქტი გააფორმა. იგი NBA-ში ერთადერთი კალათბურთელია, რომელსაც ტრეიდებზე ვეტოს დადების უფლება აქვს. ბილის კონტრაქტში ჩადებულია პუნქტი, რომლის მიხედვითაც, მისი გაცვლა მისი თანხმობის გარეშე შეუძლებელია.
ამრიგად, NBA-ში ახალი მონსტრი შეიქმნა და მისი ლიდერები კევინ დურანტი, ბრედლი ბილი და დევინ ბუკერი არიან. „სანსი“ ჩემპიონობის ერთ-ერთ ფავორიტად იქცა და არიზონელების შეჩერება მარტივი ამოცანა ნამდვილად არ იქნება. გეტყვით იმასაც, რომ ბილი გასულ სეზონში საშუალოდ 23.2 ქულა, 3.9 მოხსნასა და 5.4 შედეგიან გადაცემას აგროვებდა. იგი პარკეტიდან 50.6 პროცენტით უტევდა, რაც ბრწყინვალე შედეგია.
