ბარსელონამ 18 წლის ამომავალ ვარსკვლავთან პირადი დეტალები შეათანხმა
დიდი ხანია კატალონიის „ბარსელონას“ ბრაზილიელი ტალანტის ვიტორ როკეს გადაბირება სურს. გავლენიანი სატრანსფერო ექსპერტი და ცნობილი სპორტული ჟურნალისტი ფაბრიციო რომანო ახალ ინფორმაციას ავრცელებს.
ცნობილი ხდება, რომ „ბლაუგრანამ“ 18 წლის ბრაზილიელთან პირადი დეტალები შეათანხმა. როკეს სურვილი მხოლოდ „ბარსელონაში“ თამაშია.
აღსანიშნავია, რომ „ატლეტიკო პარანაენსესთან“ მოლაპარაკებას ბარსას ყოფილი ფეხბურთელი დეკუ აწარმოებს, რომელიც კლუბს კიდევ ერთხელ შეხვდება და ამ საკითხზე გაესაუბრება.
რომანოს თქმით, კატალონიური გრანდი სხვა ტალანტების მიმართაც იჩენს ინტერესს, მაგრამ მათ ყველა გააფრთხილეს, რომ მთავარი პრიორიტეტი ვიტორ როკეა.
ცნობისთვის, 18 წლის თავდამსხმელი „ატლეტიკო პარანაენსეში“ 2022 წლიდან თამაშობს. დღემდე როკემ ყველა ტურნირზე ერთად 61 მატჩში მიიღო მონაწილეობა, 17 გოლი გაიტანა და 8 საგოლე გადაცემა შეასრულა.
Barcelona have sealed the agreement with Vitor Roque on personal terms as he only wants Barça. ???????????????? #FCB
— Fabrizio Romano (@FabrizioRomano) June 17, 2023
Deco will meet Athletico again to find clubs agreement on the structure of the deal.
Other Barça striker targets have been informed that Vitor Roque is the main priority. pic.twitter.com/5kYwWeC0YJ
