შენგელიას 4 ქულა - ვირტუს ბოლონიამ მილანოსთან სხვაობა შეამცირა
იტალიის საკალათბურთო ჩემპიონატის ფინალში „ვირტუს ბოლონიამ“ „ოლიმპია მილანოს“ უმასპინძლა და მძიმე ბრძოლაში 69:61 დაამარცხა.
ძირითად შემადგენლობაში მოგვევლინა თორნიკე შენგელია, რომელმაც პარკეტზე 24 წუთი გაატარა. ამ პერიოდის განმავლობაში, საქართველოს ნაკრების კაპიტანმა 4 ქულას, 9 მოხსნას და 5 შედეგიან გადაცემას მოუყარა თავი.
მასპინძელთა გუნდს 13 ქულით, 5 მოხსნის და 3 შედეგიანი გადაცემით ჰაკეტმა ულიდერა, რომელსაც ბრწყინვალე მატჩი ჰქონდა და გამარჯვება მეტწილად მისმა სწორმა მოქმედებებმა განაპირობა.
შეგახსენებთ, რომ ამ გუნდების საერთო ანგარიში „ოლიმპიას“ სასარგებლოდ 2:1-ია. პირველი ორი დაპირისპირება სწორედ „მილანომ“ მოიგო. შემდეგი მატჩი კი 16 ივნისით თარიღდება და თბილისის დროით 22:30-დან დაიწყება.
VITTORIA ⚪️⚫️
— Virtus Segafredo Bologna (@VirtusSegafredo) June 14, 2023
La Segafredo conduce dall’inizio alla fine, con energia e carattere e si porta a Gara3 ????????????
???? Hackett 13, Teodosic 12, Mickey 10, Belinelli 10#AmoreInfinito #LBA #TuttoUnAltroSport pic.twitter.com/K8uB8PYHgR
