მესი: “ჯარიმის დარტყმა რონალდინიოს და მარადონას ყურებით ვისწავლე“
თანამედროვე ფეხბურთში, ლიონელ მესი ჯარიმის შესრულებაში ერთ-ერთი საუკეთესოა. არგენტინელი სუპერვარსკვლავისგან არაერთი სუპერგოლი გვინახავს. TTPlus-სთან საუბრისას, ლეომ აღიარა, თუ ვინ იყო მისი ინსპირაციის წყარო მაშინ, როდესაც ჯარიმის დარტყმას სწავლობდა.
მესი:
„ღრმა ბავშვობაში რონალდინიოს თამაშს ხშირად ვუყურებდი. ასევე ნანახი მაქვს მარადონას მატჩებიც. ორივე ფეხბურთელი ჯარიმას განსხვავებულად ურტყამდა და თავდაპირველად მე სწორედ მათ მივბაძე.
მიუხედავად ამისა, ჯარიმის კარგად შესრულება დამოკიდებულია უწყვეტ ვარჯიშზე. არ აქვს მნიშვნელობა ვინმეს ბაძავ, თუ არა. ამ კომპონენტს დახვეწა სჭირდება და ბევრი მუშაობის გარეშე შედეგს ვერ მიაღწევ.“
შეგახსენებთ, რომ ლეო მესიმ ევროპული საფეხბურთო კარიერა დაასრულა და მომავალი სეზონიდან კარიერას „ინტერ მაიამიში“ გააგრძელებს.
გავრცელებული ინფორმაციით, დევიდ ბექჰემს სურს, რომ მესისთან ერთად გუნდში ჟორდი ალბა, ლუის სუარესი და სერხიო ბუსკეტსი მიიყვანოს. დღეს, ფაბრიციო რომანომ დაწერა, რომ ჟორდი ალბა „ინტერ მაიამისთან“ აწარმოებს მოლაპარაკებას.
Understand Jordi Alba is now in active negotiations to join Inter Miami — it’s a concrete possibility. ???????????????? #MLS
— Fabrizio Romano (@FabrizioRomano) June 13, 2023
Alba has two proposals from Saudi, he has made no final decision yet. Player will assess his options and decide in the next weeks. pic.twitter.com/fJm30MGBqo
