„წარუმატებლობისთვის განწირულია“ - ანჩელოტი მილანს მალდინის დათხოვნისთვის აკრიტიკებს
კარლო ანჩელოტიმ პაოლო მალდინის გათავისუფლებას „მილანის“ ტრადიციების უპატივცემულობა უწოდა.
რამდენიმე დღის წინ, პაოლო მალდინიმ და ფედერიკო მასარამ ამერიკელ მფლობელთან უთანხმოების გამო კლუბში თანამდებობები დატოვეს.
„მადრიდის რეალში მივხვდი, რომ კლუბის ისტორიას ყოველთვის პატივი უნდა სცე. დი სტეფანო, ამანსიო, ხენტო, პუშკაში - ისინი განსაკუთრებული ლეგენდები არიან, მათ პატივს სცემენ. ისტორიის უმაღლეს დონეზე დასაწერად, თქვენ წარსული უნდა შეინახოთ.
ის, რაც მალდინის შეემთხვა, აჩვენებს მილანის ისტორიისა და ტრადიციებისადმი პატივისცემის კულტურის არარსებობას. ისტორია არ იმარჯვებს, მაგრამ ისიც მართალია, რომ ისტორია გამარჯვებას გვასწავლის“.
- ფული ყველაფერზე მაღლა დგას?
„კლუბები, რომლებიც ბიზნესს სპორტულ ღირებულებებზე წინ აყენებენ, წარუმატებლობისთვის განწირულია“.
- მაგრამ არაბული ქვეყნები მოთამაშეებს უზარმაზარი ფულით იზიდავენ, ასე არ არის?
„მიხვდნენ, რომ ფეხბურთი მოსახლეობას აინტერესებს, უნდათ, რომ მათი ჩემპიონატი ევროტურნირების დონეზე აიყვანონ. მათ შეეძლოთ ამის გაკეთება“.
- მაგრამ შეერთებულმა შტატებმა ვერ მიაღწია ამას...
„ამერიკაში კონკურენცია სხვა სპორტებთან - ბეისბოლთან, კალათბურთთან, ამერიკულ ფეხბურთთან - იყო და რჩება ძალიან ძლიერად",
- განაცხადა ანჩელოტიმ.
