ლა ლიგამ მწვანე შუქი აუნთო - მესი ბარსელონაში ბრუნდება
შესაძლოა ორშაბათისთვის „ბარსელონას“ მესის გასაფორმებლად 100%-იანი შესაძლებლობა ჰქონდეს.
ესპანელი ჟურნალისტის ჟერარ რომეროს ცნობით, ლა ლიგამ „ბარსელონას“ აცნობა, რომ მათ ფინანსურ გეგმას მწვანე შუქი აუნთეს, რაც კატალონიელებს არგენტინელის დასაბრუნებლად სრულ შესაძლებლობას აძლევს.
ℹ INFORMA @JijantesFC
— Jijantes FC (@JijantesFC) May 31, 2023
Se ha revisado el plan y empiezan a cuadrar las cosas. LaLiga sigue positiva, se está alargando la revisión para protegerse de otros clubes.
La familia Messi quiere acelerar el proceso con el Barça porque tienen otra oferta que caduca en 15 días.
(1/2)
ასევე დადასტურებულია, რომ მესისთვის ნომერ პირველი არჩევანი „ბარსაში“ დაბრუნებაა.
წყაროს თანახმად, ლა ლიგის ოფიციალურმა პირებმა შეისწავლეს „ბარსელონას“ ეკონომიკური გეგმა და მის დამტკიცებას ორშაბათისთვის ჩანიშნულ შეხვედრაზე გეგმავენ.
ლა ლიგის ოფიციალური პირები ლიონელ მესის მამას და აგენტს ხორხე მესის დაუკავშირდნენ და მოცდა 5 ივნისამდე ითხოვეს. მან უპასუხა, რომ ლეოს სურდა „ბარსელონასთან“ კონტრაქტი რაც შეიძლება მალე დაედო, მაგრამ ყველაფერი ასი პროცენტით კანონიერად უნდა გაკეთდეს.
ამრიგად, ორშაბათს 5 ივნისს ლა ლიგა „ბარსელონას“ გეგმას ოფიციალურად დაამტკიცებს და მალევე მესის ტრანსფერზე ოფიციალური ცნობების გავრცელებაც იქნება მოსალოდნელი.
