შენგელიას 10 ქულა - ვირტუსი პლეიოფის ნახევარფინალში დაწინაურდა

იტალიის ჩემპიონატის პლეიოფის სერიის ნახევარფინალურ მატჩში, თორნიკე შენგელიას „ვირტუს ბოლონია“ საკუთარ მოედანზე „ტორტონას“ უმასპინძლა და დამაჯერებლად, 23 ქულის სხვაობით, 84:61 დაამარცხა.

შენგელია სასტარტო ხუთეულში იყო და მოედანზე 23 წუთი გაატარა. ამ დროის განმავლობაში ქართველმა კალათბურთელმა 10 ქულა, 6 მოხსნა, 5 შედეგიანი გადაცემა და 3 ჩაჭრა მოაგროვა. თოკოს ანგარიშზე 6-დან 3 საჯარიმო, 2-დან 2 ორქულიანი და 1-დან 1 სამქულიანია. ამასთან, ქართველმა კალათბურთელმა ბურთი ორჯერ დაკარგა და მეტოქეზე ხუთჯერ დაჯარიმდა.

ამ გამარჯვებით, ვირტუსი პლეიოფის ნახევარფინალურ სერიაში დაწინაურდა. გუნდებს შორის მეორე შეხვედრა 30 მაისს, კვლავ ბოლონიაში გაიმართება.