ლიგა 2-ის ოფიციალური გამოცემა - მიქაუტაძე და ზურიკო ტურის სიმბოლურში
საფრანგეთის ლიგა 2-ის 36-ე ტური ქართველი ფეხბურთელებისთვის მნიშვნელოვანი გამოდგა. გიორგი მიქაუტაძემ „გინგამს“ გაუტანა, თუმცა „მეცმა“ მაინც ვერ მოიგო. მატჩი ფრედ 1:1 დასრულდა.
რაც შეეხება დავითაშვილს, მან „ლავალთან“ ბრწყინვალე შეხვედრა ჩაატარა. გოლი გაიტანა, საგოლე გადაცემა შეასრულა და ერთი გოლი მასზე დანიშნულ ჯარიმას მოყვა.
აქედან გამომდინარე, ქართველ ფეხბურთელებს კარგი თამაში დაუფასდათ და ლიგა 2-ის 36-ე ტურის სიმბოლურ გუნდში მოხვდნენ. ამის შესახებ ინფორმაცია, ლიგა 2-ის ოფიციალურმა გვერდმა გამოაქვეყნა.
Une équipe qui jouerait la montée ????#11TypeFans pic.twitter.com/0tqgXZVOe7
— Ligue 2 BKT (@Ligue2BKT) May 24, 2023
შეგახსენებთ, რომ მიმდინარე სეზონში მიქაუტაძე ბომბარდირთა დავას 23 გოლით ლიდერობს, თუმცა მისი გუნდის ლიგა 1-ში გადასვლის შანსებმა დაიკლო. ზურიკო დავითაშვილმა კი ყველა ტურნირზე ერთად 5 გოლი გაიტანა და 3 საგოლე გადაცემა შეასრულა. „ბორდოს“ მთავარ დივიზიონში აღზევება თითქმის გადაწყვეტილია.
