“ნულოვანი ტოლერანტობა, ყველა დაისაჯოს“ - კაზემირომ ვინისიუსს მხარი დაუჭირა
მადრიდის „რეალის“ ყოფილი ფეხბურთელი კაზემირო „მესტალიაზე“ მომხდარ ინციდენტს გამოეხმაურა. ბრაზილიელმა ნახევარმცველმა. ვინისიუს ჟუნიორის მისამართით გაჟღერებული რასისტული შინაარსის შეურაცხყოფები კატეგორიულად დაგმო და სოციალურ ქსელში განცხადება გაავრცელა.
კაზემირო:
„იმედგაცრუებული და სევდიანი ვარ, როცა ვხედავ, თუ როგორ გრძელდება ვინისუსის მიმართ რასისტული შეურაცხყოფები. ამას ვეღარ შევეგუებით. ეს ყველაფერი სცდება სპორტს და გავლენას ახდენს მთელს საზოგადოებაზე. სამწუხაროდ ასეთი ფაქტები დაუსჯელი რჩება.
ამ ყველაფრის დაგმობა საკმარისი აღარ არის. დასჯაა საჭირო! ლა ლიგამ სამაგალითო ზომები უნდა მიიღოს, რადგან რასიზმი აფუჭებს არა მხოლოდ ესპანური ფეხბურთის, არამედ მთელი მსოფლიო ფეხბურთის იმიჯს. ყველა ერთად უნდა დავდგეთ!! ნულოვანი ტოლერანტობა!!“
Me sinto decepcionado e muito triste ao ver, envergonhado, como se repetem episódios de racismo com meu companheiro de Seleção Vinícius Junior.
— Casemiro (@Casemiro) May 22, 2023
Não podemos continuar tolerando esse problema que transcende o esporte, afeta toda a sociedade e segue impune. Não basta uma… pic.twitter.com/Xkx0LL0Aht
შეგახსენებთ, რომ „ღამურების“ გულშემატკივრები თითქმის მთელი მატჩის განმავლობაში, ბრაზილიელის მისამართით სიტყვა „მაიმუნს“ სკანდირებდნენ. „ვალენსიამ“ საკუთარი ქომაგების ქმედებები დაგმო და განაცხადა, რომ დამნაშავეებს სამაგალითოდ დასჯის.
