ბექაური: “ვიომებ იქ, სადაც ჩემს სამშობლოს დავჭირდები“

დოჰაში გამართულ ძიუდოს მსოფლიო ჩემპიონატზე რამდენიმე ისტორიული ფაქტი დაფიქსირდა. ერთ-ერთი ასეთი ქართლი ფინალია.

ერთმანეთს ლუკა მაისურაძე და ოლიმპიური ჩემპიონი ლაშა ბექაური შეხვდნენ. გამარჯვება მაისურაძეს დარჩა.

ამ ყველაფერთან დაკავშირებით, ლაშა ბექაურმა „ფეისბუქის“ საკუთარ გვერდზე კომენტარი გააკეთა.

რას წერს ბექაური?

მე იმ 300-ის შთამომავალი ვარ! საქართველოს შვილი, იმ გმირი წინაპრების სისხლი ჩემშია ვგრძნობ, ვგრძნობ, რომ საქართველო ჩემშია და ყოველ წამს ბედნიერი ვარ იმით, რომ ქართველად დავიბადე. ამისთვის უდიდესი მადლობა უფალს! უდიდესი მადლობა ქართველ ხალხს, უდიდესი მადლობა ჩემს გულწრფელ გულშემატკივარს.

მსოფლიო ჩემპიონატზე გამარჯვებაც და დამარცხებაც ყველაფერი ეს ღმერთის ნება იყო. მადლობა ღმერთს ქართული იყო ფინალი და მადლობა ღმერთს დღე ქართული ჰიმნით დასრულდა. ძლიერი მაშინ ვიქნები, თუ უფრო ძლიერი ვიქნები ხვალ! და შევძლებ მივიღო მარცხი ისე ვაჟკაცურად როგორც გამარჯვება. ქართველობა რთულია და მიხარია, თუ ჩემი საქმით შემიძლია ვიქართველო, შემიძლია სიხარულის ცრემლებით გატიროთ და სახეზე თუნდაც რამდენიმე წამით ღიმილი მოგანიჭოთ.

მიყვარხართ! მიყვარხართ! მიყვარხართ! ვიომებ იქ, სადაც ჩემს სამშობლოს დავჭირდები და კიდევ ერთხელ მიყვარხართ! მადლობა უფალს იმისთვის, რომ მომცა ის, რითიც შემიძლია ჩემი სამშობლო ვაამაყო და ჩემებმა იცოდნენ, რომ მათ ჰყავთ ლაშა ბექაური პატარა და "ყველაზე დიდი ქვეყნიდან" , რომელიც მსოფლიოს აზანზარებს.“