გრძელვადიან კონტრაქტს დათანხმდა - პოჩეტინო ჩელსის მალე ჩაიბარებს

როგორც მოგეხსენებათ, ფრენკ ლამპარდი „ჩელსის“ დროებით წვრთნის. ბოლო პერიოდში „არისტოკრატებს“ არაერთი სპეციალისტი დაუკავშირეს.

ყველაზე ხშირად იულიან ნაგელსმანის სახელი ისმოდა, მაგრამ გერმანელმა უარი თავად თქვა. ამის შემდეგ კი ლონდონელები პოჩეტინოზე გადაერთნენ.

დღეს, გავლენიანი სატრანსფერო ექსპერტი და ცნობილი სპორტული ჟურნალისტი ფაბრიციო რომანო ამ საკითხთან დაკავშირებით ახალ ინფორმაციას ავრცელებს.

მისი თქმით, „ჩელსისა“ და არგენტინელ მწვრთნელს შორის სრული შეთანხმება შედგა და სულ მალე მაურისიო „არისტოკრატებს“ ჩაიბარებს. პოჩეტინო გრძელვადიან კონტრაქტს და ყველანაირ პირობას დათანხმდა.

შეგახსენებთ, რომ ამ მომენტისთვის „ლურჯები“ პრემიერ ლიგის სატურნირო ცხრილში მე-11 ადგილზე იმყოფებიან და მომავალ სეზონში ევრო ტურნირებზე ვერ იასპარეზებენ.

Chelsea are now set to appoint Mauricio Pochettino as new head coach, here we go! Full agreement in place as expected. ???????? #CFC

Pochettino has accepted all conditions of long term deal — it will be signed and completed soon after negotiation very advanced since April. pic.twitter.com/nI3f0oJ6jJ

— Fabrizio Romano (@FabrizioRomano) May 13, 2023